Staff development and education.

In die lig van ontwikkelings in die gesondheidsdienste is dit noodsaaklik dat verpleegadministrateurs bekwame bestuurders moet wees. Die gebied van personeelbestuur is van fundamentele beiang en hiervan is personeelontwikkeling en -onderrig ’n belangrike onderdeel. Enkele gebiede van personeelontwikkeling wat op plaaslike vlak meer aandag behoort te kry, word toegelig met spesifieke verwysing na: — oriëntasie as grondslag vir sosialisering van die werknemer binne die organisasie; —personeelontwikkeling vir leierskap, wat onontbeerlik is aangesien die toekoms van die beroep van goeie leierskap afhanklik is; —organisatoriese ontwikkeling ter bevordering van die prosesse waardeur mense met mekaar kommunikeer en saamwerk; —tendense wat in die toekoms veranderinge sal meebring en die noodsaaklikheid daarvan dat opvoeders en bestuurders bewus moet wees van die behoefte aan vernuwing en toegerus moet wees om verandering te kan teweegbring.